Падзеі

6 лістапада, Жыткавіцкі раён /Аліна Грышкевіч - БЕЛТА/. Прэзідэнт Беларусі Аляксандр Лукашэнка даручыў прадставіць да ўзнагарод будаўнікоў і кіраўнікоў, якія займаліся рэканструкцыяй моста цераз раку Прыпяць, перадае карэспандэнт БЕЛТА.

Кіраўнік дзяржавы пазітыўна ацаніў хутка і якасна праведзеныя работы па рэканструкцыі моста. Сёння ў ходзе рабочай паездкі ў Гомельскую вобласць і, у прыватнасці, наведвання Жыткавіцкага раёна Прэзідэнт прыняў удзел ва ўрачыстай цырымоніі адкрыцця моста, а таксама сустрэўся з прадстаўнікамі працоўных калектываў дарожных арганізацый, якія ўдзельнічалі ва ўзвядзенні моста, з жыхарамі Жыткавіцкага раёна.