Падзеі

Лукашэнка быў бы не супраць з'яўлення ў свеце арганізацыі-процівагі ААН, у тым ліку БРІКС

24 кастрычніка, Казань /Кар. БЕЛТА/. Прэзідэнт Беларусі Аляксандр Лукашэнка быў бы не супраць з'яўлення ў свеце арганізацыі - процівагі ААН, у тым ліку БРІКС. Аб гэтым ён заявіў у інтэрв'ю выданню "Известия" на палях саміту БРІКС у Казані, перадае карэспандэнт БЕЛТА.

"Усе спалохаліся, пачалі гаварыць, што мы ледзь ці не ў процівагу ААН ствараем нейкую арганізацыю, - заўважыў беларускі лідар. - Калі ты баішся гэтай процівагі, ты не ўступай у БРІКС. А я вось асабіста хачу, каб была такая процівага, каб ААН заварушылася. Ці была арганізацыя - глабальная. А БРІКС усё ж такі прэтэндуе на глабальную арганізацыю, а не рэгіянальную. Гэта не ШАС (ШАС - рэгіянальная). Хачу, каб была такая арганізацыя, якая будзе процівагай ААН", - сказаў Прэзідэнт.

Ён растлумачыў, чаму незадаволены цяперашнім станам спраў у ААН: "Што мы там маем? Мы чаго грошы трацім? Там збіраюцца столькі дзяржаў для таго, каб з трыбуны выступіць? Пры пустой зале ў асноўным... Хацелася б, каб яна была эфектыўнай, каб Савет Бяспекі вырашаў пытанні, а не проста збіраўся там. Не спадабаецца амерыканцам - вета, усе - разышліся".

Кіраўнік беларускай дзяржавы ўпэўнены, што пытанні вайны і міру павінны вырашацца выключна на пляцоўцы ААН. "Калі ААН вырашыла вайну спыніць - спыніць. Гэта што, ёсць? Не. Амерыканцы папракаюць расіян. Ды чаго вы папракаеце? Колькі войнаў вы развязалі і колькі канфліктаў вы сёння ведзяце! І колькі войнаў вы яшчэ маеце намер ажыццявіць..." - заўважыў Прэзідэнт Беларусі.

У якасці прыкладу такой палітыкі ЗША ён прывёў сітуацыю вакол Тайваня: "Яны гатовы там - AUKUS (ваенна-палітычны блок. - Заўвага  БЕЛТА) ствараюць - умяшацца і нешта зрабіць. Таму ААН не выконвае свае функцыі".

версія для друку

зрабіць стартавай

дабавіць у выбранае