Падзеі

Лукашэнка: без паўсядзённай працы органаў пракуратуры немагчымы мір і згода ў грамадстве

Фота з архiва

26 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў органаў пракуратуры з прафесійным святам - Днём работнікаў пракуратуры. Аб гэтым БЕЛТА паведамілі ў прэс-службе кіраўніка дзяржавы.

"Пракурорскі корпус суверэннай Беларусі ўносіць важкі ўклад у развіццё дзяржавы, удасканаленне яе прававых механізмаў у забеспячэнне законных правоў і інтарэсаў грамадзян. Ваша паўсядзённая праца, без якой немагчымы мір і згода ў грамадстве, нагляд за выкананнем законаў ва ўсіх сферах жыцця, патрабуе вялікага прафесіяналізму, прынцыповасці і аб'ектыўнасці. І ўсе гэтыя якасці ў поўнай меры ўласцівыя большасці работнікаў органаў пракуратуры", - гаворыцца ў віншаванні.

Аляксандр Лукашэнка адзначыў, што ў 80-годдзе вызвалення Беларусі ад нямецка-фашысцкіх захопнікаў асаблівую значнасць набывае расследаванне пракурорамі крымінальнай справы аб генацыдзе беларускага народа, якая раскрывае новыя старонкі трагедыі мірнага насельніцтва ў гады Вялікай Айчыннай вайны, праўду аб подзвігу продкаў і сапраўднай цане свабоды і незалежнасці беларусаў.

Асаблівыя словы ўдзячнасці кіраўнік дзяржавы адрасаваў ветэранам, якія ўнеслі вялікі ўклад у станаўленне і ўмацаванне органаў пракуратуры.

Работнікам і ветэранам органаў пракуратуры

Паважаныя таварышы!

Віншую вас з прафесійным святам - Днём работнікаў пракуратуры.

Пракурорскі корпус суверэннай Беларусі ўносіць важкі ўклад у развіццё дзяржавы, удасканаленне яе прававых механізмаў у забеспячэнне законных правоў і інтарэсаў грамадзян.

Ваша паўсядзённая праца, без якой немагчымы мір і згода ў грамадстве, нагляд за выкананнем законаў ва ўсіх сферах жыцця, патрабуе вялікага прафесіяналізму, прынцыповасці і аб'ектыўнасці. І ўсе гэтыя якасці ў поўнай меры ўласцівыя большасці работнікаў органаў пракуратуры.

У 80-годдзе вызвалення Беларусі ад нямецка-фашысцкіх захопнікаў асаблівую значнасць набывае расследаванне пракурорамі крымінальнай справы аб генацыдзе беларускага народа, якая раскрывае новыя старонкі трагедыі мірнага насельніцтва ў гады Вялікай Айчыннай вайны, праўду аб подзвігу продкаў і сапраўднай цане нашай свабоды і незалежнасці.

Асаблівыя словы ўдзячнасці адрасую ветэранам, якія ўнеслі вялікі ўклад у станаўленне і ўмацаванне органаў пракуратуры.

Жадаю вам і вашым сем'ям моцнага здароўя, дабрабыту і новых поспехаў у прафесійнай дзейнасці на карысць нашай роднай Беларусі.

Аляксандр Лукашэнка.

26 чэрвеня 2024 г.

версія для друку

зрабіць стартавай

дабавіць у выбранае