Падзеі

1 красавіка, Мінск /Аліна Грышкевіч - БЕЛТА/. Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста павіншаваў Тхін Чжо з выбраннем на пасаду Прэзідэнта Рэспублікі Саюз М'янма. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы выказаў упэўненасць, што дзейнасць Тхін Чжо будзе садзейнічаць устойліваму сацыяльна-эканамічнаму развіццю М'янмы.

"Беларусь зацікаўлена ў пашырэнні двухбаковых адносін і актывізацыі ўзаемавыгаднага супрацоўніцтва на карысць народаў дзвюх краін", - падкрэсліў Аляксандр Лукашэнка.