Падзеі

Лукашэнка: Беларусь вельмі зацікаўлена ў супрацоўніцтве з Афрыканскім саюзам

1 снежня, Дубай /Кар. БЕЛТА/. Беларусь вельмі зацікаўлена ў супрацоўніцтве з Афрыканскім саюзам. Аб гэтым Прэзідэнт Беларусі Аляксандр Лукашэнка заявіў на перагаворах з Прэзідэнтам Саюза Каморскіх астравоў, старшынёй Афрыканскага саюза Азалі Асумані на палях Сусветнага саміту па барацьбе са змяненнем клімату, перадае карэспандэнт БЕЛТА.

"Я дзякую вам за гэту сустрэчу. Так лёс распарадзіўся, што нам давялося "атакаваць" саміт разам - адзін за другім. Вы ведаеце (я накіраваў вам адпаведнае пісьмо): мы вельмі зацікаўлены ў супрацоўніцтве з Афрыканскім саюзам", - падкрэсліў Аляксандр Лукашэнка.

Прэзідэнт адзначыў, што Беларусь даўно супрацоўнічае з краінамі Паўночнай Афрыкі, напрыклад, з Егіптам. Развіваюцца адносіны з паўднёвымі дзяржавамі, у тым ліку з Зімбабвэ. Выбудоўваецца ўзаемадзеянне з Экватарыяльнай Гвінеяй.

"Мы былі б вельмі рады, калі б вы садзейнічалі такому руху высокатэхналагічнай Беларусі ў Афрыканскі кантынент, - сказаў беларускі лідар. - Калі гэта не супярэчыць вашай палітыцы, я прасіў бы вашай падтрымкі".

версія для друку

зрабіць стартавай

дабавіць у выбранае