Падзеі

Лукашэнка: Беларусь разлічвае на рэалізацыю ўзаемавыгадных праектаў з Егіптам у розных сферах

Фота з архiва

23 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Егіпта Абдэль Фатаха аль-Сісі з нацыянальным святам - Днём Рэвалюцыі. Аб гэтым БЕЛТА паведамілі ў прэс-службе беларускага лідара.

У Беларусі высока ацэньваюць намаганні Егіпта, накіраваныя на падтрыманне міру і стабільнасці на Блізкім Усходзе і ў Афрыцы, адзначыў кіраўнік дзяржавы. "Егіпет уносіць значны ўклад у рэалізацыю праектаў устойлівага развіцця, забеспячэнне рэгіянальнай харчовай і энергетычнай бяспекі", - гаворыцца ў віншаванні.

Прэзідэнт выказаў упэўненасць у тым, што далейшая сумесная дзейнасць урадаў дзвюх краін дасць магчымасць трансфармаваць існуючы патэнцыял у рэалізацыю ўзаемавыгадных праектаў у сферах прамысловай кааперацыі, сельскай гаспадаркі, навукова-тэхнічнага і культурнага супрацоўніцтва.

Кіраўнік дзяржавы пацвердзіў сваё запрашэнне Прэзідэнту Егіпта наведаць Беларусь з афіцыйным візітам у зручны для яго час для прадаўжэння плённага дыялогу і абмеркавання перспектыўных напрамкаў узаемадзеяння.

Аляксандр Лукашэнка пажадаў Абдэль Фатаху аль-Сісі выдатнага здароўя, поспехаў і дабрабыту, а егіпецкаму народу - працвітання і прагрэсу.

версія для друку

зрабіць стартавай

дабавіць у выбранае