Падзеі

Лукашэнка: Беларусь разлічвае на актывізацыю дыялогу і паглыбленне супрацоўніцтва з Туркменістанам

Фота з архiва

12 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Туркменістана Сердара Бердымухамедава з Міжнародным днём нейтралітэту. Аб гэтым БЕЛТА паведамілі ў прэс-службе беларускага лідара.

"Унікальны статус Туркменістана, замацаваны Рэзалюцыяй ААН і пакладзены ў аснову знешнепалітычнага курсу вашай дзяржавы, падкрэслівае міралюбівы характар туркменскага народа, яго зацікаўленасць у спакойным і паступальным развіцці", - гаворыцца ў віншаванні.

Дружалюбныя адносіны, якія склаліся паміж Мінскам і Ашхабадам, будуць садзейнічаць актывізацыі дыялогу па шырокім радзе напрамкаў і далейшым паглыбленні беларуска-туркменскага супрацоўніцтва, упэўнены кіраўнік дзяржавы.

Аляксандр Лукашэнка пажадаў Сердару Бердымухамедаву моцнага здароўя, шчасця і дабра, а жыхарам Туркменістана - дабрабыту і згоды.

версія для друку

зрабіць стартавай

дабавіць у выбранае