Падзеі

Лукашэнка: Беларусь разглядае Бразілію як аднаго з важнейшых партнёраў у Лацінскай Амерыцы

7 верасня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка павіншаваў Прэзідэнта Федэратыўнай Рэспублікі Бразілія Жаіра Балсанару з нацыянальным святам - Днём незалежнасці. Аб гэтым БЕЛТА паведамілі ў прэс-службе беларускага лідара.

"Сёння ваша краіна дэманструе значныя поспехі ў сацыяльна-эканамічным развіцці і ўмацаванні сваёй ролі на міжнароднай арэне", - падкрэсліў кіраўнік дзяржавы.

Аляксандр Лукашэнка таксама адзначыў: "Беларусь разглядае Бразілію як аднаго з важнейшых партнёраў у Лацінскай Амерыцы і зацікаўлена ў далейшым паглыбленні двухбаковых сувязей".

Прэзідэнт выказаў перакананасць, што плённае беларуска-бразільскае ўзаемадзеянне ў эканамічнай, палітычнай і гуманітарнай сферах будзе садзейнічаць няўхільнаму прагрэсу дзвюх дзяржаў і росту дабрабыту двух народаў.

версія для друку

зрабіць стартавай

дабавіць у выбранае