Падзеі

Лукашэнка: Беларусь плануе ўдзельнічаць у сесіі Генасамблеі ААН на ўзроўні высокіх прадстаўнікоў

22 ліпеня, Мінск /Кар. БЕЛТА/. Беларусь плануе ўдзельнічаць у сесіі Генеральнай Асамблеі ААН на ўзроўні высокіх прадстаўнікоў. Аб гэтым Прэзідэнт Беларусі Аляксандр Лукашэнка заявіў 19 ліпеня ў інтэрв'ю тэлеканалу Sky News Arabia, перадае карэспандэнт БЕЛТА.

Кіраўніку дзяржавы было зададзена пытанне, ці збіраецца ён прымаць удзел у чарговай сесіі Генеральнай Асамблеі ААН. "Гэта пытанне я яшчэ не разглядаў. Але або я, або прадстаўнікі Беларусі на вельмі высокім узроўні, вядома ж, будуць прысутнічаць на Генасамблеі і будуць мець магчымасць выказацца па ўсіх пытаннях, па якіх Беларусь лічыць патрэбным гэта зрабіць", - адказаў Аляксандр Лукашэнка.

Ён звярнуў увагу на тое, што Беларусь была ў ліку першых краін, хто падпісаў статут Арганізацыі Аб'яднаных Нацый. "Мы гэта вельмі цэнім і даражым гэтым. Таму мы заўсёды прымаем удзел на тым ці іншым узроўні, у той ці іншай форме з прадстаўнікамі высокага ўзроўню ў сесіях Генеральнай Асамблеі ААН", - сказаў кіраўнік дзяржавы.

версія для друку

зрабіць стартавай

дабавіць у выбранае