Падзеі

Лукашэнка: Беларусь нязменна зацікаўлена ў прадаўжэнні плённага супрацоўніцтва з Фінляндыяй

6 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Фінляндыі з Днём Незалежнасці. Аб гэтым БЕЛТА паведамілі ў прэс-службе кіраўніка дзяржавы.

Аляксандр Лукашэнка адзначыў, што за апошнія сто з лішнім гадоў Фінляндыя дабілася прыкметных поспехаў у сваім развіцці, стала прыкладам для многіх дзяржаў свету па ўзроўні жыцця, адукацыі, інавацый і медыцыны.

"Беларусь заўсёды з павагай ставілася да Фінляндыі як да ментальна блізкага, надзейнага партнёра. Перакананы, што ў хуткім часе Мінск і Хельсінкі змогуць аднавіць паўнацэнны палітычны дыялог. Мы нязменна зацікаўлены ў прадаўжэнні плённага супрацоўніцтва з фінскім бокам у сферах зялёнай эканомікі, энергетыкі, навукі і адукацыі, лясной прамысловасці, сельскай гаспадаркі", - гаворыцца ў віншаванні.

версія для друку

зрабіць стартавай

дабавіць у выбранае