Падзеі

Лукашэнка: Беларусь гатова развіваць супрацоўніцтва з Германіяй на аснове ўзаемнай павагі

Фота з архiва

3 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Федэратыўнай Рэспублікі Германія з Днём адзінства. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што аб'яднанне Германіі ў 1990 годзе стала магчымым дзякуючы атмасферы даверу і канструктыўнага супрацоўніцтва паміж краінамі кантынента.

"Пераход ад процістаяння да дыялогу запатрабаваў тады ад усіх бакоў прыняцця адважных, стратэгічных рашэнняў. На жаль, цяпер Еўрапейскі саюз праводзіць несамастойную палітыку канфрантацыі ў адносінах да шэрага суверэнных дзяржаў. Адзіным інструментам Бруселя з'яўляюцца аднабаковыя меры эканамічнага і палітычнага націску, якія непасрэдна супярэчаць міжнароднаму праву", - звярнуў увагу Прэзідэнт.
 
Аляксандр Лукашэнка падкрэсліў, што падтрымка афіцыйным Берлінам такога курсу наносіць шкоду і абсалютна не адпавядае надзеям двух народаў, выклікае ў Беларусі глыбокае расчараванне і абгрунтаванае непрыманне, асабліва з улікам жудасных падзей і шматлікіх ахвяр на беларускай зямлі падчас Другой сусветнай вайны.

"Праз 100 гадоў з дня ўстанаўлення дыпламатычных адносін Беларусь, як і раней, гатова развіваць супрацоўніцтва з ФРГ на аснове прынцыпаў раўнапраўя і ўзаемнай павагі. Гэта будзе таксама садзейнічаць умацаванню рэгіянальнай бяспекі і стабільнасці", - гаворыцца ў віншаванні.
 
У гэты святочны дзень кіраўнік дзяржавы пажадаў нямецкаму грамадству міру і ўпэўненасці ў заўтрашнім дні.

версія для друку

зрабіць стартавай

дабавіць у выбранае