Падзеі
Лукашэнка: Беларусь і Пакістан павінны актывізаваць канкрэтныя гандлёва-эканамічныя сувязі
5 кастрычніка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка лічыць, што наступным крокам ва ўзаемадзеянні Беларусі і Пакістана павінна стаць актывізацыя канкрэтных гандлёва-эканамічных сувязей. Аб гэтым ён заявіў сёння, прымаючы даверчыя граматы Надзвычайнага і Паўнамоцнага Пасла Ісламскай Рэспублікі Пакістан у Беларусі Масуда Хан Раджы, перадае карэспандэнт БЕЛТА.
Аляксандр Лукашэнка павіншаваў дыпламата з адкрыццём пасольства Пакістана ў Беларусі і пацвердзіў, што гэты крок будзе садзейнічаць далейшаму плённаму ўзаемадзеянню.
Прэзідэнт Беларусі асабліва адзначыў рэзультатыўнасць свайго візіту ў Ісламабад, а таксама нядаўняга наведвання Беларусі прэм'ер-міністрам Пакістана. "Намі закладзены трывалы фундамент для дыялогу на перспектыву", - падкрэсліў беларускі лідар.
Кіраўнік беларускай дзяржавы чакае падпісання дарожнай карты двухбаковага супрацоўніцтва на 2015-2020 гады і пачатку работы па яе рэалізацыі.
версія для друку
зрабіць стартавай
дабавіць у выбранае