Падзеі

Лукашэнка адзначыў істотны патэнцыял для павышэння дынамікі супрацоўніцтва з Угандай

Фота з архiва

9 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Уганды Ёверы Мусевені з Днём Незалежнасці. Аб гэтым БЕЛТА паведамілі ў прэс-службе кіраўніка дзяржавы.

"Абвяшчэнне самастойнага палітычнага курсу ў 1962 годзе стала пачаткам новага этапу ў гісторыі вашай краіны, адкрыла магчымасці для яе ўстойлівага сацыяльна-эканамічнага развіцця, - гаворыцца ў віншаванні. - Палітыка Уганды грунтуецца на блізкіх беларусам прынцыпах самавызначэння народаў, мірнага суіснавання, павагі, неўмяшання ва ўнутраныя справы суверэнных дзяржаў, захавання традыцыйных каштоўнасцей і культуры".

Беларусь, як падкрэсліў Прэзідэнт, лічыць Уганду сваім перспектыўным партнёрам ва Усходняй Афрыцы. "Мы маем значны патэнцыял для павышэння ўзроўню двухбаковых кантактаў і дынамікі супрацоўніцтва", - звярнуў увагу беларускі лідар.

Аляксандр Лукашэнка пажадаў Ёверы Мусевені добрага здароўя, аптымізму і новых поспехаў у вырашэнні дзяржаўных задач, а ўсім жыхарам Уганды - міру і згоды.

версія для друку

зрабіць стартавай

дабавіць у выбранае