Падзеі

Лукашэнка адзначае значныя перспектывы гандлёва-эканамічнага супрацоўніцтва Беларусі і Пакістана

Фота tvc.ru

14 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Пакістана Арыфа Алві з Днём Незалежнасці Ісламскай Рэспублікі Пакістан. Аб гэтым БЕЛТА паведамілі ў прэс-службе кіраўніка беларускай дзяржавы.

"За 73 гады свайго суверэнітэту Пакістан змог пабудаваць уласную самастойную дзяржаву", - падкрэсліў беларускі лідар. Ён з задавальненнем адзначыў, што двухбаковыя адносіны Мінска і Ісламабада, якія доўжацца ўжо больш за чвэрць стагоддзя, стварылі трывалую аснову для далейшага дынамічнага пашырэння ўзаемавыгаднага супрацоўніцтва. "Значныя перспектывы існуюць у гандлёва-эканамічнай сферы, у тым ліку ў галінах машынабудавання, сельскай гаспадаркі, фармацэўтыкі і нафтахіміі, - гаворыцца ў віншаванні. - Упэўнены, што ўмацаванне практычнага складніка беларуска-пакістанскага ўзаемадзеяння зробіць важкі ўклад у развіццё эканомік абедзвюх краін".

Аляксандр Лукашэнка пажадаў Арыфу Алві здароўя, плённай дзейнасці і поспехаў, а народу Пакістана - міру і дабрабыту.

версія для друку

зрабіць стартавай

дабавіць у выбранае