Падзеі

Лукашэнка адобрыў праект дагавора аб фінансаванні кааперацыйных праектаў у ЕАЭС

Фота з архiва

24 мая, Мінск /Кар. БЕЛТА/. Прэзідэнт Беларусі Аляксандр Лукашэнка адобрыў праект пратакола аб унясенні змяненняў у Дагавор аб Еўразійскім эканамічным саюзе ў частцы аказання фінансавага садзейнічання пры рэалізацыі сумесных кааперацыйных праектаў у галінах прамысловасці. Кіраўнік дзяржавы падпісаў адпаведны ўказ нумар 150, паведамілі БЕЛТА ў прэс-службе беларускага лідара.

На правядзенне перагавораў па праекце пратакола і падпісанне дакумента пры дасягненні дамоўленасці ў межах адобранага праекта ўпаўнаважана Міністэрства фінансаў.

Праект пратакола распрацаваны Еўразійскай эканамічнай камісіяй па даручэнні Вышэйшага Еўразійскага эканамічнага савета ад 9 снежня 2022 года. Гэтым дагаворам прадугледжваецца магчымасць прыняцця Саветам ЕЭК рашэння аб аказанні фінансавага садзейнічання рэалізацыі сумесных кааперацыйных праектаў за кошт сродкаў бюджэту ЕАЭС.

версія для друку

зрабіць стартавай

дабавіць у выбранае