Падзеі

Лукашэнка: адносіны Беларусі і Святога Прастола - яркі ўзор давернага супрацоўніцтва

Фота з архiва

13 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Папу Рымскага Францыска з гадавінай урачыстага пачатку пантыфікату. Аб гэтым БЕЛТА паведамілі ў прэс-службе беларускага лідара.

"Ва ўсім свеце Вас ведаюць як добрага і мудрага чалавека, які клапоціцца аб распаўсюджванні вечных хрысціянскіх ідэалаў міру, разумення і любові. Сёння Ваша дзейнасць набывае рэдкую каштоўнасць і значнасць як для каталіцкай паствы, так і для розных канфесій. Поўнасцю згодны з Вашымі нядаўнімі словамі, што цяпер вельмі важныя заснаваныя на павазе даверныя кантакты, якія выступаюць бар'ерам ад нянавісці, насілля і несправядлівасці", - гаворыцца ў віншаванні.

Аляксандр Лукашэнка адзначыў, што адносіны Беларусі і Святога Прастола з'яўляюцца яркім узорам такога супрацоўніцтва. "Спадзяюся, наш прыклад дапаможа іншым зразумець, што гэта самы эфектыўны шлях узаемадзеяння. Не націскам, навязваннем чужой волі і бачання, пагрозамі, а толькі канструктыўным дыялогам, раўнапраўнымі адносінамі, уменнем пачуць партнёра можна дабіцца беспрэцэдэнтных вынікаў", - падкрэсліў Прэзідэнт.

версія для друку

зрабіць стартавай

дабавіць у выбранае