Падзеі

Лукашэнка: аб'яднанне намаганняў з Венесуэлай дасць магчымасць эфектыўна процістаяць дэструктыўнай палітыцы Захаду

5 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Венесуэлы Нікаласа Мадуру і народ гэтай краіны з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"Дзякуючы прынятым рашэнням аб "перазагрузцы" двухбаковых адносін міждзяржаўныя кантакты Мінска і Каракаса істотна актывізаваліся, - гаворыцца ў віншаванні. - Аб'яднанне намаганняў дасць магчымасць эфектыўна процістаяць дэструктыўнай палітыцы Захаду і забяспечыць нашым дзяржавам устойлівае развіццё ў існуючых складаных умовах. Лічу, што гэта вельмі своечасовы крок з улікам глабальных выклікаў, з якімі сутыкнуліся нашы краіны апошнім часам".

Кіраўнік дзяржавы падкрэсліў, што Беларусь гатова прадаўжаць умацаванне дружбы з Венесуэлай праз пашырэнне палітычнага, гандлёва-эканамічнага, навукова-тэхнічнага, гуманітарнага, ваеннага і культурнага супрацоўніцтва.

Аляксандр Лукашэнка пажадаў Нікаласу Мадуру добрага здароўя і даўгалецця, а венесуэльскаму народу - міру і працвітання.

версія для друку

зрабіць стартавай

дабавіць у выбранае