Падзеі

Лукашэнка аб упамінанні нейтралітэту Беларусі ў праекце Канстытуцыі: тут два варыянты

Фота з архiва

9 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка выказаў сваё меркаванне, ці варта ў праекце новай Канстытуцыі прапісваць упамінанне аб нейтралітэце краіны, як ёсць цяпер. Аб гэтым кіраўнік дзяржавы заявіў сёння ў час "Вялікай размовы з Прэзідэнтам" - сустрэчы з журналістамі, прадстаўнікамі грамадскасці, экспертнай і медыйнай супольнасці, перадае карэспандэнт БЕЛТА.

"Што датычыцца нейтралітэту, гэта не абмяркоўваецца. Гэта рашэнне Усебеларускага народнага сходу - тады ўсе бурна падтрымалі, - адзначыў беларускі лідар. - Нейтралітэту няма фактычна. Па Канстытуцыі - нейтралітэт, а мы знаходзімся ў ваенна-палітычным блоку АДКБ і гэтак далей. Правільна гэта ці не - вядома, правільна. Гэта дадатковы ўзровень бяспекі".

Паводле яго слоў, Беларусь таксама знаходзіцца ў Еўразійскім эканамічным саюзе. "Пра які нейтралітэт можа ісці размова? - сказаў Аляксандр Лукашэнка. - Таму тут два варыянты: або мы вызначаем у Канстытуцыі, што мы не нейтральныя, або наогул туды нічога не запісваем".

версія для друку

зрабіць стартавай

дабавіць у выбранае