Падзеі

Лукашэнка аб санкцыйным процістаянні: у нас у крыві няма духу вайны, і не мы яе пачыналі

16 снежня, Мінск /Кар. БЕЛТА/. Беларусь заўсёды адкрыта да канструктыўнага дыялогу на раўнапраўнай аснове без умоў і ўльтыматумаў. Аб гэтым кіраўнік дзяржавы Аляксандр Лукашэнка заявіў на нарадзе аб процідзеянні санкцыйным мерам, перадае карэспандэнт БЕЛТА.

"Што датычыцца мер у адказ, якія прыняты ўжо і яшчэ будуць выпрацаваны: гэта не актыўная пазіцыя нашага народа, у нас у крыві няма духу вайны, і, дарэчы, не мы яе пачыналі. Таму заўсёды адкрыты да канструктыўнага дыялогу на раўнапраўнай аснове без умоў і ўльтыматумаў", - сказаў Прэзідэнт.

Кіраўніка дзяржавы радуе, што ва ўрадзе і Нацбанку няма прыкмет істэрыі або нервознасці. "Гэты дзелавы настрой трэба захоўваць і далей. Але самазаспакоенасць (калі гэта самазаспакоенасць) недапушчальна. Кожны дзень павінны быць бачны вынікі любой работы. Патрэбна як ніколі маналітнасць і стараннасць!" - адзначыў Аляксандр Лукашэнка.

версія для друку

зрабіць стартавай

дабавіць у выбранае