Падзеі

Лукашэнка і Рахмон павіншавалі адзін аднаго з 75-годдзем Перамогі і абмеркавалі развіццё супрацоўніцтва

Эмамалі Рахмон і Аляксандр Лукашэнка. Фота з архіва

8 мая, Мінск /Кар. БЕЛТА/. Адбылася тэлефонная размова Прэзідэнта Беларусі Аляксандра Лукашэнкі з Прэзідэнтам Таджыкістана Эмамалі Рахмонам. Аб гэтым БЕЛТА паведамілі ў прэс-службе беларускага лідара.

Кіраўнікі дзяржаў абмяняліся цёплымі віншаваннямі ў адрас адзін аднаго і народаў абедзвюх краін з нагоды 75-годдзя Вялікай Перамогі.

Аляксандр Лукашэнка і Эмамалі Рахмон абмеркавалі стан двухбаковых адносін і падкрэслілі важнасць іх далейшага развіцця, эфектыўнай рэалізацыі сумесных праектаў.

Размова таксама ішла пра бягучую абстаноўку на фоне пандэміі каранавіруса. Лідары краін абмяняліся вопытам работы і мер, якія прымаюцца ў барацьбе з распаўсюджваннем інфекцыі.

версія для друку

зрабіць стартавай

дабавіць у выбранае