Падзеі

Лукашэнка і Пуцін правядуць сустрэчу 23 ліпеня

Фота з архiва

21 ліпеня, Мінск /Кар. БЕЛТА/. Прэзідэнт Беларусі накіруецца ў Расію з рабочым візітам. Аб гэтым БЕЛТА паведамілі ў прэс-службе беларускага лідара.

Ужо ў бліжэйшыя выхадныя Аляксандр Лукашэнка і Уладзімір Пуцін правядуць перагаворы, аб якіх дамаўляліся раней. Гэту сустрэчу кіраўнік беларускай дзяржавы анансаваў, размаўляючы з журналістамі замежных і беларускіх СМІ: "Мы ў бліжэйшы час дамовіліся сустрэцца".

Парадак дня перагавораў вызначаны, пытанняў трэба будзе абмеркаваць шмат. Традыцыйна для сустрэч лідараў Беларусі і Расіі гэта шырокае кола найбольш важных і базавых для двухбаковых адносін тэм: пытанні бяспекі, міжнароднага парадку дня, эканамічнае ўзаемадзеянне, рэалізацыя саюзных праграм, сумеснае процістаянне незаконнаму санкцыйнаму націску і шмат іншага.

версія для друку

зрабіць стартавай

дабавіць у выбранае