Падзеі
Лукашэнка ў канцы верасня плануе наведаць Кітай з дзяржаўным візітам
18 жніўня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка ў канцы верасня плануе наведаць Кітай з дзяржаўным візітам. Аб гэтым кіраўнік дзяржавы заявіў сёння ў час перагавораў з членам Палітбюро Цэнтральнага камітэта Камуністычнай партыі Кітая, сакратаром палітыка-юрыдычнай камісіі ЦК КПК Мэн Цзяньчжу, перадае карэспандэнт БЕЛТА.
Кіраўнік дзяржавы падкрэсліў, што чакае асабістай сустрэчы са Старшынёй КНР Сі Цзіньпінам, традыцыйна даверлівага абмену меркаваннямі ў ходзе дзяржаўнага візіту, які плануецца на канец верасня.
"За 25 гадоў з моманту ўстанаўлення дыпламатычных адносін Беларусь і Кітай зрабілі вельмі многае для ўмацавання двухбаковых сувязей, - упэўнены Прэзідэнт. - У нашым дыялогу абсалютна няма закрытых тэм і нявырашаных праблем".
На яго думку, інтэнсіфікацыя кантактаў паміж дзвюма краінамі назіраецца ва ўсіх без выключэння сферах. Так, праведзены ў маі мінулага года беларуска-кітайскі бізнес-форум надаў новы імпульс наладжванню міжрэгіянальных сувязей. Як заўважыў Аляксандр Лукашэнка, з боку кітайскіх рэгіёнаў усё больш праяўляецца практычны інтарэс да цеснага супрацоўніцтва.
версія для друку
зрабіць стартавай
дабавіць у выбранае