Падзеі
Лукашэнка і Аліеў выказалі гатоўнасць значна актывізаваць гандаль Беларусі і Азербайджана
19 лютага, Мінск /Кар. БЕЛТА/. Тэлефонная размова прэзідэнтаў Беларусі і Азербайджана Аляксандра Лукашэнкі і Ільхама Аліева адбылася 19 лютага, паведамілі БЕЛТА ў прэс-службе беларускага лідара.
У кантэксце абмеркавання стану і перспектыў двухбаковых адносін кіраўнікі дзяржаў пацвердзілі іх стратэгічны характар, адзначыўшы, што ўзаемадзеянне дзвюх краін заўсёды выбудоўвалася ў духу дружбы і ўзаемаразумення.
Падрабязней прэзідэнты спыніліся на супрацоўніцтве ў гандлёва-эканамічнай сферы, выказаўшы гатоўнасць значна актывізаваць узаемны гандаль. Размова ішла ў тым ліку аб вытворчай кааперацыі. Беларускі бок, у прыватнасці, гатовы разгледзець магчымасць разгортвання сумесных вытворчасцей у Азербайджане па ўсіх напрамках узаемадзеяння з выхадам у перспектыве з агульнай прадукцыяй на рынкі трэціх краін.
Кіраўнікі дзяржаў абмеркавалі таксама міжнародны парадак дня.
Аляксандр Лукашэнка і Ільхам Аліеў дамовіліся прадоўжыць практыку рэгулярных кантактаў, якая склалася ў адносінах паміж краінамі.
версія для друку
зрабіць стартавай
дабавіць у выбранае