Падзеі

Лукашэнка - Кірылу: вы не толькі патрыярх, але і блізкі нам чалавек

15 кастрычніка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэслівае, што ў Беларусі заўсёды рады бачыць патрыярха Кірыла не толькі з-за яго патрыяршага служэння, але і як блізкага чалавека. Аб гэтым кіраўнік беларускай дзяржавы заявіў сёння на сустрэчы з членамі Свяшчэннага сінода Рускай праваслаўнай царквы і Сінода Беларускай праваслаўнай царквы, перадае карэспандэнт БЕЛТА.

Аляксандр Лукашэнка падкрэсліў, што для патрыярха Кірыла не трэба ніякіх запрашэнняў, каб прыязджаць у Беларусь, паколькі гэта і яго зямля. "Вы не толькі патрыярх, вы і блізкі нам чалавек", - сказаў беларускі лідар.

Прэзідэнт яшчэ раз падзякаваў патрыярху за ўвагу да Беларусі, якая з'яўляецца апорай праваслаўя на заходнім напрамку, і рашэнне правесці тут Свяшчэнны сінод. "Вы асобна яшчэ павінны прыехаць да нас (з візітам. - Заўвага БЕЛТА)", - дадаў Аляксандр Лукашэнка.

Ён звярнуў увагу на даўні характар сваіх адносін з патрыярхам Кірылам, яшчэ да патрыяршага сану. "Вельмі цаню вашу шчырасць з таго часу. Я аддаю перавагу заўсёды шчырым адносінам паміж людзьмі", - адзначыў кіраўнік дзяржавы.

версія для друку

зрабіць стартавай

дабавіць у выбранае