Падзеі

Удзельнікі Кангрэса рабінаў Еўропы прыехалі з Расіі, дзе з 18 па 26 жніўня праходзіць кангрэс. У райцэнтр прыбылі каля 500 іўдзейскіх рэлігійных дзеячаў з 30 краін. Прывітанне ад Прэзідэнта Беларусі гасцям зачытаў Упаўнаважаны па справах рэлігій і нацыянальнасцей Беларусі Леанід Гуляка. Рабіны наведалі мемарыял "Адаменская горка", дзе сталі ўдзельнікамі калектыўнай малітвы ў памяць аб яўрэях, якія загінулі ў Лёзне ў час Вялікай Айчыннай вайны.

У вайну фашысты, рэалізуючы нацысцкую праграму знішчэння яўрэяў, арганізавалі ў Лёзне гета. Адзін з самых масавых расстрэлаў мірных жыхароў адбыўся ў лютым 1942 года. Тады каля Адаменскага рову (каля Залатой горкі, любімай мясціны адпачынку мясцовых жыхароў) захопнікі расстралялі амаль 1,5 тыс. чалавек. У час вайны ў Лёзне загінулі і сваякі Марка Шагала.

За выратаванне яўрэяў, нягледзячы на небяспеку для ўласнага жыцця, некалькі жыхароў Лёзна ўдастоены ганаровага звання "Праведнік народаў свету".