Падзеі
Лідары Беларусі і Кітая падпішуць у Мінску сумесную дэкларацыю аб развіцці стратэгічнага партнёрства
4 мая, Пекін /Аліна Грышкевіч - БЕЛТА/. У час дзяржаўнага візіту ў Беларусь Старшыні Кітайскай Народнай Рэспублікі Сі Цзіньпіна будзе падпісана сумесная дэкларацыя аб далейшым развіцці і паглыбленні адносін усебаковага стратэгічнага партнёрства. Аб гэтым паведаміў намеснік міністра замежных спраў КНР Чэн Гапін у Пекіне на сустрэчы з прадстаўнікамі беларускіх СМІ, адказваючы на пытанне карэспандэнта БЕЛТА.
Намеснік кіраўніка кітайскага знешнепалітычнага ведамства падкрэсліў, што гэты дакумент падпішуць лідары Беларусі і Кітая, што "дасць далейшы вектар усебаковага стратэгічнага партнёрства". Таксама ў час візіту чакаецца падпісанне шэрага важных беларуска-кітайскіх дакументаў, якія накіраваны на ўмацаванне супрацоўніцтва паміж Рэспублікай Беларусь і Кітайскай Народнай Рэспублікай у розных сферах.
версія для друку
зрабіць стартавай
дабавіць у выбранае