Падзеі
Лаўроў наведае з візітам Беларусь 15-16 мая
6 мая, Масква /Эдуард Півавар - БЕЛТА/. Кіраўнік МЗС Расіі Сяргей Лаўроў наведае з рабочым візітам Беларусь 15-16 мая. Аб гэтым сёння на брыфінгу заявіла афіцыйны прадстаўнік расійскага знешнепалітычнага ведамства Марыя Захарава, перадае карэспандэнт БЕЛТА.
Паводле слоў Марыі Захаравай, запланаваны перагаворы Сяргея Лаўрова з міністрам замежных спраў Беларусі Уладзімірам Макеем. Бакі абмяркуюць шырокі спектр пытанняў двухбаковага супрацоўніцтва, у тым ліку ход рэалізацыі прынятай на пасяджэнні Вышэйшага дзяржаўнага савета Саюзнай дзяржавы ў Мінску 25 лютага праграмы ўзгодненых дзеянняў у галіне знешняй палітыкі дзяржаў - удзельніц дагавора аб стварэнні Саюзнай дзяржавы на 2016-2017 гады.
"Плануецца, што бакі абмяняюцца думкамі па праблематыцы расійска-беларускага ўзаемадзеяння ў рамках такіх інтэграцыйных фарматаў, як СНД, ЕАЭС і АДКБ, - сказала афіцыйны прадстаўнік МЗС РФ. - Мы таксама разлічваем на традыцыйна зацікаўленыя і даверныя размовы па рэгіянальных і міжнародных праблемах, які ўяўляюць узаемны інтарэс".
версія для друку
зрабіць стартавай
дабавіць у выбранае