Падзеі
Купчына акрэсліла падыходы Беларусі да ўзмацнення ролі АБСЕ на нефармальнай сустрэчы высокага ўзроўню ў Хельсінкі
13 ліпеня, Мінск /Кар. БЕЛТА/. Намеснік міністра замежных спраў Алена Купчына акрэсліла падыходы Беларусі да ўзмацнення ролі АБСЕ на нефармальнай сустрэчы высокага ўзроўню ў Хельсінкі, паведамілі БЕЛТА ў прэс-службе беларускага МЗС.
"Алена Купчына акрэсліла падыходы нашай краіны да пытанняў узмацнення ролі АБСЕ ў вырашэнні палітычных, эканамічных і гуманітарных пытанняў, забеспячэння бяспекі ў Еўропе, прыняцця статута арганізацыі", - праінфармавалі ў МЗС.
Намеснік міністра правяла таксама двухбаковыя сустрэчы з дырэктарам БДІПЧ АБСЕ Міхаэлем Лінкам, намеснікамі міністраў замежных спраў Босніі і Герцагавіны, Італіі, Швецыі. Абмеркаваны пытанні двухбаковага супрацоўніцтва і дзейнасці АБСЕ.
Сустрэча на ўзроўні намеснікаў міністраў замежных спраў дзяржаў - членаў АБСЕ адбылася 10 ліпеня па ініцыятыве сербскага старшынства і была прымеркавана да 40-годдзя падпісання Хельсінкскага заключнага акта.
Мерапрыемства ўключала два асноўныя кампаненты: урачысты сход, прысвечаны юбілею, і нефармальную дыскусію высокага ўзроўню для абмену думкамі па актуальных пытаннях дзейнасці АБСЕ і далейшай інстытуалізацыі гэтай міжнароднай арганізацыі.
версія для друку
зрабіць стартавай
дабавіць у выбранае