Падзеі

Культура, турызм, тэхналогіі. Беларусь і Інгушэція вызначылі пункты ўзаемадзеяння

Фота з архiва

17 мая, Мінск /Кар. БЕЛТА/. Аднымі з асноўных пунктаў узаемадзеяння паміж Беларуссю і Інгушэціяй стануць сферы культуры і турызму, а таксама высокія тэхналогіі. Аб гэтым журналістам расказаў першы намеснік старшыні ўрада Рэспублікі Інгушэція Алег Фурсаў па выніках сустрэчы прадстаўнікоў Беларусі і Інгушэціі ў Мінаблвыканкаме, перадае карэспандэнт БЕЛТА.

"Беларускія тавары вызначаюцца высокай якасцю. Гэта датычыцца як прамысловых тавараў, так і прадуктаў харчавання. На Каўказе вашы магазіны прадстаўлены ў вельмі шырокім асартыменце. Мы з задавальненнем карыстаемся вашымі таварамі, купляем вашы прадукты. Сёння я ўзначальваю рабочую групу, якая наведала Беларусь у рамках пагаднення, падпісанага паміж Інгушэціяй і вашай рэспублікай. Задача нашай паездкі ў вызначэнні пунктаў сацыяльна-эканамічнага ўзаемадзеяння. У прыватнасці, нам цікава развіццё сферы культуры і турызму, а таксама абмен тэхналогіямі. Нам цікава ваша тэхніка і вашы ўгнаенні. Спадзяюся, па выніках перагавораў мы вызначым пункты росту, якія будуць садзейнічаць развіццю супрацоўніцтва", - сказаў Алег Фурсаў.

Ён расказаў, якія тавары з Інгушэціі могуць быць прадстаўлены на паліцах беларускіх магазінаў. "У нас вельмі якаснае мяса, добрая малочная прадукцыя. Нядаўна мы адкрылі буйны завод па вытворчасці мяса індычкі, якое карыстаецца папулярнасцю не толькі на Каўказе, але і ў сярэдняй Расіі. Таму мы спадзяёмся ў ходзе перагавораў вызначыць тыя нішы, якія зможам дапоўніць, тым самым садзейнічаючы развіццю супрацоўніцтва", - рэзюмаваў Алег Фурсаў.

версія для друку

зрабіць стартавай

дабавіць у выбранае