Падзеі

Крутой пракаменціраваў планы па будаўніцтве ВСМ паміж Мінскам і Масквой

Дзмітрый Крутой. Фота з архіва

16 лютага, Масква /Эдуард Півавар - БЕЛТА/. Пасол Беларусі ў Расіі Дзмітрый Крутой пракаменціраваў журналістам планы па будаўніцтве высакаскораснай чыгуначнай магістралі паміж Мінскам і Масквой, перадае карэспандэнт БЕЛТА.

"Пакуль ёсць палітычная дамоўленасць на ўзроўні лідараў, наш Прэзідэнт даў згоду на гэты праект", - сказаў Дзмітрый Крутой.

Ён нагадаў, што праект будаўніцтва ВСМ паміж Беларуссю і Расіяй абмяркоўваецца не першы ўжо год. "Усе эканамічныя разлікі дзесяцігадовай даўнасці, якія былі на стале, даручана цяпер актуалізаваць", - паведаміў пасол.

"Мы чакаем усё ж такі ад ужо расійскага боку дакладнага адказу: будуць гэтыя праекты рэалізоўвацца паралельна (Масква - Санкт-Пецярбург, Масква - Екацярынбург і Масква - Мінск) альбо яны будуць рэалізоўвацца паслядоўна. Мы будзем разумець тады тэрміны і, скажам так, месца сваё ў гэтай чарговасці і потым ужо будзем рабіць фінальныя разлікі", - рэзюмаваў Дзмітрый Крутой.

15 лютага на нарадзе па развіцці ВСМ Прэзідэнт Расіі Уладзімір Пуцін сказаў: "Будаўніцтва высакаскораснай магістралі паміж Масквой і Санкт-Пецярбургам - гэта толькі пачатак. У перспектыве арганізацыя такіх зносін у напрамку Разані, Казані, Екацярынбурга, Адлера, а таксама сталіцы Беларусі Мінска - гэта цалкам натуральная, цалкам рэалізуемая перспектыва".

"Што датычыцца Мінска, то з Прэзідэнтам Беларусі Аляксандрам Лукашэнкам мы абмяркоўвалі гэта пытанне, ён таксама падтрымлівае", - адзначыў Уладзімір Пуцін.

версія для друку

зрабіць стартавай

дабавіць у выбранае