Падзеі

Краіны АДКБ прымуць дадатковыя меры для барацьбы з віртуальнымі пагрозамі

22 лістапада, Мінск /Кар. БЕЛТА/. Краіны Арганізацыі Дагавора аб калектыўнай бяспецы маюць намер прыняць дадатковыя меры для барацьбы з пагрозамі ў віртуальнай прасторы. Аб гэтым заявіў журналістам кіраўнік знешнепалітычнага ведамства Беларусі Сяргей Алейнік пасля сумеснага пасяджэння Савета міністраў замежных спраў, Савета міністраў абароны і Камітэта сакратароў саветаў бяспекі дзяржаў - удзельніц АДКБ, перадае карэспандэнт БЕЛТА.

Па выніках перагавораў бакі адобрылі і падпісалі каля 20 дакументаў у палітычнай і ваеннай сферах, а таксама ў галіне процідзеяння сучасным выклікам і пагрозам бяспецы.

Кіраўнікі знешнепалітычных ведамстваў краін АДКБ, у прыватнасці, прынялі заяву аб агульных падыходах да забеспячэння бяспекі еўразійскай прасторы. Акрамя таго, падпісана сумеснае рашэнне Савета міністраў замежных спраў і Камітэта сакратароў саветаў бяспекі аб пераліку дадатковых мер дзяржаў - членаў АДКБ, накіраваных на захаванне інфармацыйнай бяспекі арганізацыі.

"Гэта пытанне набывае асаблівае значэнне ў кантэксце нарастаючых выклікаў і пагроз у віртуальнай прасторы", - заявіў Сяргей Алейнік.

Таксама бакі ўзгаднілі праекты дакументаў, нацэленых на ўмацаванне АДКБ і павышэнне бяспекі яе дзяржаў-членаў. Канчаткова зацвердзіць іх павінны кіраўнікі дзяржаў на сесіі Савета калектыўнай бяспекі, якая адбудзецца 23 лістапада ў Мінску.

версія для друку

зрабіць стартавай

дабавіць у выбранае