Падзеі

Кіраўнікі МЗС Беларусі і Ірландыі абмеркавалі супрацоўніцтва ў фінансавых арганізацыях і барацьбу з COVID-19

Фота з архiва

20 мая, Мінск /Кар. БЕЛТА/. Міністр замежных спраў Беларусі Уладзімір Макей правёў тэлефонную размову з міністрам замежных спраў і гандлю Ірландыі Сайманам Ковені. Гутарка адбылася па ініцыятыве ірландскага боку, паведамілі БЕЛТА ў прэс-службе беларускага знешнепалітычнага ведамства.

"Міністры падкрэслілі важнасць сумесных намаганняў па барацьбе з распаўсюджваннем каранавіруснай інфекцыі. Уладзімір Макей выказаў удзячнасць ірландскім дабрачынным арганізацыям, якія прадаўжаюць падтрымку Беларусі па лініі чарнобыльскага супрацоўніцтва, удзяляючы асаблівую ўвагу пытанням аховы ад COVID-19 найбольш слабаабароненых катэгорый насельніцтва", - расказалі ў МЗС аб падрабязнасцях размовы.

Кіраўнікі знешнепалітычных ведамстваў выказалі задавальненне пазітыўнай дынамікай развіцця двухбаковага гандлёва-эканамічнага супрацоўніцтва і абмеркавалі шляхі яго актывізацыі. Бакі таксама разгледзелі тэматыку супрацоўніцтва Беларусі і Ірландыі ў ААН і міжнародных фінансавых арганізацыях.

Паводле інфармацыі МЗС, у 2019 годзе абарот тавараў і паслуг паміж краінамі вырас больш як у два разы ў параўнанні з 2018-м і склаў $326,6 млн. Пры гэтым беларускі экспарт вырас у 2,2 раза і дасягнуў $155,5 млн. Асаблівую цікавасць для ірландскіх партнёраў прадстаўляюць паслугі ў сферы камп'ютарных, інфармацыйна-камунікацыйных тэхналогій, а таксама тавары металургічнай і хімічнай прамысловасці, інавацыйная прадукцыя.

версія для друку

зрабіць стартавай

дабавіць у выбранае