Падзеі
Кіраўнік МАГАТЭ разлічвае наведаць дзеючую Беларускую АЭС
19 красавіка, Астравец /Кар. БЕЛТА/. Генеральны дырэктар МАГАТЭ Юкія Амана разлічвае наведаць дзеючую Беларускую АЭС. Аб гэтым ён заявіў сёння журналістам пасля наведвання пляцоўкі будаўніцтва станцыі, перадае карэспандэнт БЕЛТА.
"Не магу сказаць дакладна, калі прыеду ў Беларусь наступны раз, але думаю, што змагу прыняць удзел у запуску станцыі разам са сваёй жонкай і атрымаць асалоду ад выгляду дзеючай АЭС і цудоўнай беларускай кухні", - сказаў Юкія Амана.
Гендырэктар МАГАТЭ адзначыў, што Беларусь з'яўляецца адной з краін, найбольш падрыхтаваных да развіцця атамнай энергетыкі. Паводле яго слоў, Беларусь за апошнія гады дабілася істотнага прагрэсу ў плане будаўніцтва станцыі.
Юкія Амана падкрэсліў, што наведванне пляцоўкі будаўніцтва АЭС дапамагае яшчэ да запуску аб'екта ацаніць гатоўнасць да рэалізацыі ядзернай праграмы. "Такія візіты дапамагаюць МАГАТЭ зразумець стан спраў на пляцоўцы, а Беларусі зразумець патрабаванні МАГАТЭ", - сказаў ён.
версія для друку
зрабіць стартавай
дабавіць у выбранае