Падзеі

Кіраўнік беларускага МЗС і генсакратар АДКБ абмяняліся думкамі па пытаннях рэгіянальнай і глабальнай бяспекі

30 кастрычніка, Мінск /Кар. БЕЛТА/. Міністр замежных спраў Рэспублікі Беларусь Максім Рыжанкоў 30 кастрычніка сустрэўся з генеральным сакратаром Арганізацыі Дагавора аб калектыўнай бяспецы (АДКБ) Імангалі Тасмагамбетавым, які ўдзельнічае ў II Мінскай міжнароднай канферэнцыі па еўразійскай бяспецы. Аб гэтым БЕЛТА паведамілі ў прэс-службе беларускага знешнепалітычнага ведамства.

У ходзе гутаркі адбыўся абмен думкамі па шырокім коле пытанняў міжнароднага парадку дня з акцэнтам на праблемах рэгіянальнай і глабальнай бяспекі. Бакі сышліся на думцы аб неабходнасці далейшага ўмацавання патэнцыялу АДКБ у мэтах эфектыўнага рэагавання на сучасныя выклікі і пагрозы.

Генеральны сакратар праінфармаваў кіраўніка знешнепалітычнага ведамства Беларусі аб ходзе падрыхтоўкі да маючых адбыцца 28 лістапада 2024 года ў Астане пасяджэнняў статутных органаў АДКБ.

Максім Рыжанкоў падзякаваў Імангалі Тасмагамбетаву за падтрымку II Мінскай міжнароднай канферэнцыі па еўразійскай бяспецы, а таксама за яго ініцыятыву па правядзенні ў яе рамках тэматычнага круглага стала, прысвечанага аналітычнаму суправаджэнню дзейнасці АДКБ па забеспячэнні рэгіянальнай бяспекі. Ён адзначыў, што гэта мерапрыемства цалкам упісваецца ў тэматыку Мінскай канферэнцыі, з'яўляючыся важным дапаўненнем да асноўнага парадку дня міжнароднага форуму.

версія для друку

зрабіць стартавай

дабавіць у выбранае