Падзеі

Краўчанка прыняў удзел у каардынацыйнай сустрэчы Беларусь - ЕС

Фота з архiва

24 ліпеня, Мінск /Аліна Грышкевіч - БЕЛТА/. Намеснік міністра замежных спраў Беларусі Алег Краўчанка 23-24 ліпеня наведвае Брусель (Бельгія) з рабочым візітам, паведамілі БЕЛТА ў прэс-службе МЗС.

"Алег Краўчанка 23 ліпеня прыняў удзел у пазачарговай каардынацыйнай сустрэчы Беларусь - ЕС у якасці кіраўніка беларускай дэлегацыі, - гаворыцца ў паведамленні. - Дэлегацыю Еўрасаюза ўзначаліў выконваючы абавязкі кіраўніка дырэктара Еўрапейскай службы знешніх дзеянняў (ЕСЗД) па справах Еўропы і Цэнтральнай Азіі Люк Дэвінь. У мерапрыемстве таксама прынялі ўдзел прадстаўнікі МЗС Беларусі, профільных падраздзяленняў Еўрапейскай камісіі і ЕСЗД".

Абмеркаваны стан і перспектывы двухбаковых адносін Беларусі і ЕС, удзел Беларусі ва "Усходнім партнёрстве", супрацоўніцтва ў сферы ядзернай бяспекі, пытанні правоў чалавека, у тым ліку ў кантэксце бягучай прэзідэнцкай выбарчай кампаніі ў Беларусі, а таксама выдзяленне Еўрасаюзам дапамогі на пераадоленне ў краіне наступстваў распаўсюджвання каранавіруснай інфекцыі.

У той жа дзень намеснік кіраўніка беларускага знешнепалітычнага ведамства сустрэўся са спецыяльным прадстаўніком ЕС па правах чалавека Эйманам Гілмарам. У цэнтры ўвагі быў ход прэзідэнцкай выбарчай кампаніі ў Беларусі. Пацверджана ўзаемная зацікаўленасць у прадаўжэнні кантактаў у сферы правоў чалавека, у тым ліку ў мэтах абмеркавання праблемных пытанняў.

версія для друку

зрабіць стартавай

дабавіць у выбранае