Падзеі
Косінец у час візіту ў КНР абмеркаваў пытанні падрыхтоўкі візіту ў Мінск Сі Цзіньпіна
16 красавіка, Мінск /Аліна Грышкевіч - БЕЛТА/. Пытанні падрыхтоўкі дзяржаўнага візіту ў Беларусь Старшыні КНР Сі Цзіньпіна абмеркаваны ў Пекіне, паведамілі ў пасольстве Беларусі ў Кітаі.
Гэта тэма была асноўнай у час візіту 8-11 красавіка ў КНР кіраўніка Адміністрацыі Прэзідэнта Беларусі Аляксандра Косінца. Дэлегацыя Адміністрацыі Прэзідэнта знаходзілася ў Пекіне па запрашэнні ЦК КПК.
Адбыліся сустрэчы кіраўніка Адміністрацыі Прэзідэнта Беларусі з членам Пастаяннага камітэта Палітбюро ЦК КПК, сакратаром ЦК КПК Лю Юньшанем, намеснікам старшыні Усекітайскага камітэта Народнага палітычнага кансультатыўнага савета Кітая - загадчыкам аддзела міжнародных сувязей ЦК КПК Ван Цзяжуем, намеснікам загадчыка аддзела міжнародных сувязей ЦК КПК Чжоу Лі, а таксама кіраўніцтвам шэрага буйных банкаў і карпарацый Кітая.
Бакі абмеркавалі пытанні падрыхтоўкі дзяржаўнага візіту ў Беларусь Старшыні КНР Сі Цзіньпіна ў маі і шырокі спектр парадку дня двухбаковага супрацоўніцтва, уключаючы пашырэнне палітычнага дыялогу, умацаванне ўзаемадзеяння ў гандлёва-эканамічнай, крэдытна-інвестыцыйнай, гуманітарнай сферах.
версія для друку
зрабіць стартавай
дабавіць у выбранае