Падзеі

Колькасць удзельнікаў вучэння "Захад-2021" на тэрыторыі Беларусі складзе каля 12,8 тыс. чалавек

5 жніўня, Мінск /Кар. БЕЛТА/. Колькасць удзельнікаў вучэння "Захад-2021" на тэрыторыі Беларусі складзе каля 12,8 тыс. чалавек, паведаміў у час брыфінгу начальнік Генеральнага штаба Узброеных Сіл - першы намеснік міністра абароны Віктар Гулевіч, перадае карэспандэнт БЕЛТА.

"Колькасць удзельнікаў, якія прымаюць удзел у вучэнні на тэрыторыі Беларусі, складзе каля 12,8 тыс. чалавек, у тым ліку каля 2,5 тыс. расійскіх ваеннаслужачых і да 50 казахстанскіх ваеннаслужачых са складу КСАР АДКБ, - сказаў Віктар Гулевіч, - З іх пад дзеянне Венскага дакумента 2011 года падпадае каля 6300 чалавек (ад Рэспублікі Беларусь крыху больш за 3,7 тыс., ад Расійскай Федэрацыі - каля 2,5 тыс.). Таксама будзе задзейнічана да 350 адзінак бранятанкавай тэхнікі, у тым ліку каля 140 танкаў, 110 адзінак артылерыі і РСЗА, больш за 30 самалётаў і верталётаў, аб чым 30 ліпеня 2021 года былі праінфармаваны дзяржавы - удзельніцы АБСЕ па Венскім дакуменце 2011 года".

Сумеснае стратэгічнае вучэнне ўзброеных сіл Беларусі і Расіі "Захад-2021" мае планавы характар і з'яўляецца завяршальным этапам у сістэме сумеснай падрыхтоўкі УС Беларусі і Расіі ў гэтым годзе. Перш за ўсё яно накіравана на павышэнне абучанасці войскаў са складу рэгіянальнай групоўкі, прызначанай для забеспячэння бяспекі ва Усходне-Еўрапейскім рэгіёне.

У адпаведнасці з планам падрыхтоўкі яно пройдзе з 10 па 16 верасня на тэрыторыі Беларусі і дзевяці палігонах Расіі (Кірылаўскі, Стругі Красныя, Муліна, Пагонава, Хмялёўка, Праўдзінскі, Дабравольскі, Дарагабуж, Вольскі).

Задума вучэння мае выключна абарончы характар. Пры яе вызначэнні былі ўлічаны сучасныя падыходы да прымянення войскаў (сіл) на аснове вопыту ўзброеных канфліктаў апошніх гадоў, мерапрыемстваў аператыўнай падрыхтоўкі, а таксама форм і спосабаў прымянення войскаў, выпрацаваных ва ўзброеных сілах дзвюх дзяржаў.

версія для друку

зрабіць стартавай

дабавіць у выбранае