Падзеі

Карпенка расказаў, што новая Канстытуцыя дае беларусам

21 лютага, Мінск /Кар. БЕЛТА/. Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Ігар Карпенка ў эфіры тэлеканала "Беларусь 1" расказаў, што новая Канстытуцыя дае беларусам, паведамляе БЕЛТА.

"Магу назваць, напэўна, тры такія аспекты як грамадзянін. Паколькі як старшыня ЦВК я павінен быць нейтральным. Але як грамадзянін магу сказаць, што мяне самога ўражваюць закладзеныя нормы далейшага развіцця народаўладдзя ў выглядзе Усебеларускага народнага сходу. Гэта такі своеасаблівы механізм народнага веча, з якім дзяржава і кіруючая эліта павінны раіцца ў вызначэнні стратэгічнага шляху развіцця краіны", - сказаў Ігар Карпенка.

Другое, на яго погляд, - гэта захаванне і развіццё сацыяльных гарантый, як беларускай сацыяльна арыентаванай дзяржавы.

"Трэцяе - захаванне гістарычнай памяці, у першую чаргу аб Вялікай Айчыннай вайне. Сёння мы павінны не проста захоўваць памяць аб тых, хто аддаў свае жыцці за свабоду і незалежнасць. Але і таму, што сёння ў сучасным свеце некаторыя хочуць, каб гэтыя падзеі сталі выключна тэкстам у падручніках па гісторыі і не больш. І мы павінны разумець, што, як толькі мы забудзем гэтыя падзеі, яны могуць паўтарыцца ў любых іншых кантэкстах", - дадаў старшыня ЦВК.

версія для друку

зрабіць стартавай

дабавіць у выбранае