Падзеі

Канстытуцыйны Суд прыняў пасланне Прэзідэнту і Нацыянальнаму сходу

Фота з архiва

14 сакавіка, Мінск /Кар. БЕЛТА/. Канстытуцыйны Суд прыняў пасланне Прэзідэнту і палатам Нацыянальнага сходу "Аб стане канстытуцыйнай законнасці ў Рэспубліцы Беларусь", перадае карэспандэнт БЕЛТА.

"Змест паслання выкладзены на 26 старонках і складаецца з пяці раздзелаў, уступнай і заключнай часткі", - адзначыў старшыня Канстытуцыйнага Суда Пётр Міклашэвіч, гаворачы аб пасланні.

У першым раздзеле дадзены аналіз канстытуцыйнага развіцця ў сучасных умовах у сувязі з прыняццем на рэспубліканскім рэферэндуме змяненняў і дапаўненняў Канстытуцыі нашай краіны, адзначыў старшыня КС. "У другім раздзеле аналізуецца роля канстытуцыяналізацыі права ва ўмацаванні канстытуцыйнага правапарадку і забеспячэнні канстытуцыйнай бяспекі. У трэцім раздзеле дадзены аналіз рэзультату дзейнасці Канстытуцыйнага Суда па ажыццяўленні абавязковага папярэдняга кантролю канстытуцыйнасці законаў, прынятых парламентам да падпісання іх Прэзідэнтам Рэспублікі Беларусь. У чацвёртым раздзеле выкладзена інфармацыя аб новых паўнамоцтвах Канстытуцыйнага Суда і развіцці форм канстытуцыйнага правасуддзя. У пятым раздзеле прадстаўлена інфармацыя аб выкананні рашэнняў і прававых пазіцый Канстытуцыйнага Суда", - падкрэсліў ён.

"Ва ўстаноўленым парадку пасланне Канстытуцыйнага Суда "Аб стане канстытуцыйнай законнасці ў Рэспубліцы Беларусь" будзе накіравана Прэзідэнту, палатам парламента, а таксама тэкст будзе размешчаны на сайце Канстытуцыйнага суда, у нашым часопісе "Судебный вестник" і іншых СМІ", - дадаў Пётр Міклашэвіч.

версія для друку

зрабіць стартавай

дабавіць у выбранае