Падзеі

"Канстатуем супадзенне падыходаў". МЗС Беларусі аб новай Канцэпцыі знешняй палітыкі Расіі

Фота з архiва

5 красавіка, Мінск /Кар. БЕЛТА/. Беларусь падзяляе бачанне расійскага боку адносна пабудовы больш збалансаванай і справядлівай шматпалярнай светабудовы. Так, Міністэрства замежных спраў Беларусі ацаніла абноўленую Канцэпцыю знешняй палітыкі Расіі і змешчаныя ў дакуменце новыя акцэнты, паведамляе БЕЛТА.

"Мы ўважліва вывучылі тэкст зацверджанай гэтымі днямі Канцэпцыі знешняй палітыкі Расійскай Федэрацыі. Гэты дактрынальны дакумент комплексна адлюстроўвае фундаментальныя змяненні ў сусветнай палітыцы. Ён дакладна абазначае стратэгічныя інтарэсы Расіі, у тым ліку ў кантэксце развіцця адносін з ключавымі саюзнікамі і партнёрамі, паглыблення адпаведных інтэграцыйных працэсаў", - адзначылі ў беларускім знешнепалітычным ведамстве.

У МЗС канстатавалі супадзенне падыходаў Мінска і Масквы па ключавых пытаннях міжнароднага парадку дня. "Падзяляем бачанне расійскага боку адносна пабудовы больш збалансаванай і справядлівай шматпалярнай светабудовы. Мы таксама зыходзім з непрымання гегемоніі ў міжнародных справах, недапушчальнасці ўмяшання ва ўнутраныя справы суверэнных дзяржаў і навязвання іншым краінам сваіх мадэлей развіцця, ідэалагічных і каштоўнасных установак. Цалкам падтрымліваем прынцып непадзельнасці бяспекі ў глабальным і рэгіянальным аспектах", - падкрэслілі ў міністэрстве.

Ведамства таксама вітала дэкларуемую ў якасці стратэгічнай мэты гатоўнасць Расіі аказваць саюзнікам і партнёрам падтрымку ў пашырэнні агульных інтарэсаў, забеспячэнні іх бяспекі і ўстойлівага развіцця. "Асабліва адзначаем пацверджаную ў канцэпцыі прыхільнасць Масквы да развіцця стратэгічнага ўзаемадзеяння і паглыблення інтэграцыйных працэсаў з Рэспублікай Беларусь. На гэта ў сваю чаргу паслядоўна нацэлены і беларускі бок", - заявілі ў МЗС.

версія для друку

зрабіць стартавай

дабавіць у выбранае