Падзеі

Качанава: высока цэнім асабісты ўклад Эбрахіма Раісі ў развіццё беларуска-іранскага супрацоўніцтва

Наталля Качанава. Фота з архіва

20 мая, Мінск /Кар. БЕЛТА/. Старшыня Савета Рэспублікі Наталля Качанава ад імя Савета Рэспублікі Нацыянальнага сходу Рэспублікі Беларусь выказала спачуванні старшыні Сходу ісламскага савета Ісламскай Рэспублікі Іран Махамад-Багеру Галібафу ў сувязі з гібеллю Прэзідэнта Ісламскай Рэспублікі Іран Эбрахіма Раісі. Аб гэтым БЕЛТА паведамілі ў прэс-службе верхняй палаты парламента.

"Гэта трагічная падзея ўзрушыла ўвесь свет і глыбокім болем адгукаецца ў сэрцах сяброў Ірана, - адзначыла Наталля Качанава. - Прэзідэнт Эбрахім Раісі застанецца ў нашых сэрцах назаўсёды як сябар Беларусі, мудры лідар, выдатны палітычны, духоўны і дзяржаўны дзеяч, які ўсё жыццё прысвяціў служэнню іранскаму народу, умацаванню магутнасці Ісламскай Рэспублікі Іран. Пераканана, што памяць аб выключным, прынцыповым палітыку, сапраўдным патрыёце назаўсёды застанецца ў сэрцах мільёнаў грамадзян Ірана".

"Мы высока цэнім асабісты ўклад Эбрахіма Раісі ў развіццё беларуска-іранскага супрацоўніцтва", - падкрэсліла спікер.

версія для друку

зрабіць стартавай

дабавіць у выбранае