Падзеі

Качанава: у супрацоўніцтва Беларусі з Узбекістанам велізарныя магчымасці

6 жніўня, Мінск /Кар. БЕЛТА/. У Беларусі і Узбекістана велізарныя магчымасці. Аб гэтым заявіла старшыня Савета Рэспублікі Наталля Качанава ў час нарады па пытаннях правядзення другога ўзбекска-беларускага жаночага бізнес-форуму, перадае карэспандэнт БЕЛТА.

Беларусь і Узбекістан актыўна развіваюць узаемавыгаднае супрацоўніцтва. "Нам гэта краіна цікавая. У пазамінулым годзе мы праводзілі там пасяджэнне Міжпарламенцкай асамблеі СНД. Хачу сказаць, што вельмі цікавая краіна, магчымасці велізарныя. Добрыя, сяброўскія адносіны паміж нашымі народамі. Асновай таго з'яўляюцца добрыя адносіны паміж лідарамі нашых краін. Вядома, мы павінны падысці да правядзення форуму вельмі зладжана і арганізавана, таму што часу ў нас засталося не так шмат", - сказала Наталля Качанава.

Другі ўзбекска-беларускі жаночы бізнес-форум пройдзе ў Ташкенце 26 і 27 жніўня. "Форум будзе сумешчаны з нашым афіцыйным візітам у гэту краіну, - падкрэсліла спікер. - Першы форум быў удалым. Калі мы сустракаемся на іншых міжнародных пляцоўках і абменьваемся думкамі, то бачым, што жанчыны-прадпрымальніцы пазнаёміліся і працуюць непасрэдна. У іх ёсць кантакты. Яны працуюць, выбудоўваючы гэтыя адносіны і развіваючы супрацоўніцтва".

"Узбекскі бок ужо праводзіць падрыхтоўку да форуму. У першы дзень будуць працаваць шэсць секцый, у другі дзень будзе пленарнае пасяджэнне", - дапоўніла Наталля Качанава.

версія для друку

зрабіць стартавай

дабавіць у выбранае