Падзеі

Качанава: Беларусь і Узбекістан зацікаўлены ў абмене вопытам у сферы адукацыі

4 верасня, Мінск /Кар. БЕЛТА/. Беларусь і Узбекістан зацікаўлены ў абмене вопытам у сферы адукацыі, заявіла старшыня Савета Рэспублікі Наталля Качанава, перадае карэспандэнт БЕЛТА.

"У Беларусі шмат увагі ўдзяляецца сацыяльным пытанням і перш за ўсё адукацыі. Як адзначыў Прэзідэнт Беларусі Аляксандр Лукашэнка, адукацыя - гэта аснова ўсяго. І мы разумеем, што гэта сапраўды так, паколькі гэта - будучыня, - сказала Наталля Качанава. - Мы вельмі рады, што складваюцца добрыя адносіны паміж ВНУ нашых краін, павялічваецца колькасць дзяцей, якія прыязджаюць да нас вучыцца з Узбекістана".

"Па ўсіх напрамках у нас ёсць дагаворныя адносіны, падпісаны пагадненні, - дапоўніла спікер. - Сёння мы абменьваемся вопытам у сістэме адукацыі".

Сёння парламенцкая дэлегацыя Узбекістана наведала Беларускі дзяржаўны педагагічны ўніверсітэт імя Максіма Танка. У час сустрэчы абмеркаваны пытанні супрацоўніцтва нашых краін у сферы адукацыі.

Беларускі дзяржаўны педагагічны ўніверсітэт імя Максіма Танка - вядучая ўстанова вышэйшай адукацыі нацыянальнай сістэмы педагагічнай адукацыі, якая забяспечвае падрыхтоўку, перападрыхтоўку і павышэнне кваліфікацыі спецыялістаў адукацыі; буйнейшы навучальны і навукова-метадычны цэнтр, здольны генерыраваць новыя псіхолага-педагагічныя веды, распаўсюджваць і выкарыстоўваць іх для ўдасканалення якасці адукацыі. На гэты момант ВНУ выступае адзіным вучэбна-навукова-метадычным комплексам, які з'яўляецца буйнейшым цэнтрам нацыянальнай сістэмы бесперапыннай педагагічнай адукацыі Рэспублікі Беларусь.

версія для друку

зрабіць стартавай

дабавіць у выбранае