Падзеі

Качанава: Беларусь і Кітай дасягнулі найвышэйшага ўзроўню палітычнага дыялогу

3 верасня, Мінск /Кар. БЕЛТА/. Беларусь і Кітай дасягнулі найвышэйшага ўзроўню палітычнага дыялогу, заявіла старшыня Савета Рэспублікі Наталля Качанава ў час сустрэчы з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Се Сяаюнам у сувязі з завяршэннем яго дыпламатычнай місіі ў нашай краіне, перадае карэспандэнт БЕЛТА.

"Яшчэ раз хачу падкрэсліць, што мы ганарымся і даражым той дружбай, якая складваецца паміж Беларуссю і Кітаем. Вядома, шмат у чым гэта заслуга лідараў нашых краін - Аляксандра Лукашэнкі і Сі Цзіньпіна. Дзякуючы іх настойліваму падыходу ва ўмацаванні сувязей нашы адносіны выйшлі на ўзровень усепагоднага стратэгічнага партнёрства. І мы з вялікай радасцю адзначаем найвышэйшы ўзровень нашага палітычнага дыялогу. Як адзначаў Аляксандр Рыгоравіч, хацелася б, каб такі ўзровень, які складваецца сёння ў палітычных адносінах, быў бы і ў эканоміцы паміж нашымі краінамі", - сказала Наталля Качанава.

У маі адбыўся афіцыйны візіт парламенцкай дэлегацыі Беларусі на чале са старшынёй Савета Рэспублікі Наталляй Качанавай у КНР. "Павінна сказаць, што я ў захапленні ад Кітая, - адзначыла спікер. - Мы, парламентарыі, будзем рабіць усё для таго, каб тыя дамоўленасці, якія ёсць паміж нашымі кіраўнікамі дзяржаў, былі рэалізаваны, і рэалізаваны эфектыўна".

версія для друку

зрабіць стартавай

дабавіць у выбранае