Падзеі
Кабякоў узнагароджаны ордэнам "Курмет"
29 мая, Бурабай /Юлія Огнева - БЕЛТА/. Прэм'ер-міністр Беларусі Андрэй Кабякоў узнагароджаны ордэнам "Курмет". Узнагароду ён атрымаў сёння з рук прэм'ер-міністра Казахстана Карыма Масімава ў ходзе цырымоніі ўзнагароджання дзяржаўнымі ўзнагародамі Беларусі, Казахстана і Расіі высокіх службовых асоб, перадае карэспандэнт БЕЛТА.
У адпаведнасці з указам прэзідэнта Казахстана ордэнам "Курмет" узнагароджваюць за заслугі ў дзяржаўнай і грамадскай дзейнасці, значны ўклад у сацыяльна-эканамічнае і культурнае развіццё краіны, умацаванне дружбы і супрацоўніцтва паміж народамі. Таксама Карым Масімаў узнагародзіў ордэнам "Дастык" II ступені першага намесніка старшыні ўрада Расіі Ігара Шувалава.
У сваю чаргу Андрэй Кабякоў уручыў Карыму Масімаву ордэн Дружбы народаў за значны асабісты ўклад у падрыхтоўку дагавора аб Еўразійскім эканамічным саюзе, развіццё і пашырэнне інтэграцыйных працэсаў, умацаванне супрацоўніцтва паміж Беларуссю, Расіяй і Казахстанам. Таксама ордэн Дружбы народаў з рук кіраўніка беларускага ўрада атрымаў старшыня праўлення АТ "Фонд нацыянальнага дабрабыту "Самрук-Казына" Умірзак Шукееў.
Прэм'ер-міністр Расіі Дзмітрый Мядзведзеў уручыў першаму намесніку прэм'ер-міністра Казахстана Бакытжану Сагінтаеву ордэн Дружбы за актыўны ўдзел у падрыхтоўцы дагавора аб Еўразійскім эканамічным саюзе.
версія для друку
зрабіць стартавай
дабавіць у выбранае