Падзеі

1 чэрвеня, Масква /Эдуард Півавар - БЕЛТА/. Юбілейная 50-я сесія Парламенцкага сходу Саюза Беларусі і Расіі пройдзе 10 чэрвеня ў Мінску, паведамілі БЕЛТА ў прэс-службе сходу.

На сесіі дэпутаты падвядуць вынікі дваццацігадовай дзейнасці Парламенцкага сходу. "У адпаведнасці з палажэннямі Дагавора аб стварэнні Супольніцтва Беларусі і Расіі ад 2 красавіка 1996 года і Пагадненнем аб Парламенцкім сходзе Супольніцтва Беларусі і Расіі ад 29 красавіка 1996 года ў горадзе Смаленску 25 чэрвеня 1996 года адбылася першая сесія Парламенцкага сходу, - нагадалі ў прэс-службе. - Пасля заканчэння 20 гадоў сумеснай работы беларускія і расійскія дэпутаты збяруцца пяцідзясяты раз для правядзення пасяджэння 50-й сесіі Парламенцкага сходу".

Саюзныя парламентарыі абмяркуюць вынікі сумеснай дзейнасці, разгледзяць ход рэалізацыі прыярытэтных напрамкаў і першачарговых задач далейшага развіцця Саюзнай дзяржавы, а таксама падвядуць вынікі выканання плана мерапрыемстваў Саюзнай дзяржавы на 2014-2015 гады, прысвечаных 70-годдзю Перамогі ў Вялікай Айчыннай вайне і 70-годдзю вызвалення Беларусі ад нямецка-фашысцкіх захопнікаў.