Падзеі

Губернатар Прымор'я аб якасці беларускай прадукцыі і дысцыплінаванасці беларусаў

Фота з архiва

10 лютага, Масква /Эдуард Півавар - БЕЛТА/. Кіраўнік хабараўскага аддзялення пасольства Беларусі ў Расіі Валерый Сахно сустрэўся з губернатарам Прыморскага края Алегам Кажамякам, паведамілі БЕЛТА ў прэс-службе дыппрадстаўніцтва.

Бакі абмеркавалі напрамак работы па павелічэнні ўзаемнага тавараабароту, узаемадзеяння ў вытворчай, інвестыцыйнай, будаўнічай, сельскагаспадарчай і навукова-тэхнічнай сферах. "З Беларуссю ўстаноўлены асаблівыя цесныя роднасныя і гістарычныя сувязі, - адзначыў губернатар Прымор'я. - Таму для нас пытанне супрацоўніцтва мае вялікае значэнне. Цяпер гандлёвыя сеткі края рэалізуюць беларускую прадукцыю высокай якасці, насельніцтва ёй давярае. Адносіны, напрыклад, у галіне паставак дарожнай тэхнікі, неабходна пашыраць. Будзем таксама разглядаць пытанні выкарыстання вашага будаўнічага патэнцыялу, паколькі дысцыпліна беларусаў, тэхналогіі адпавядаюць сучасным патрабаванням".

Алег Кажамяка заявіў аб гатоўнасці да пашырэння ўзаемадзеяння, якім можа стаць закупка сельскагаспадарчай, дарожнай, пасажырскай і іншай прамысловай тэхнікі беларускай вытворчасці, пастаўкі ліфтавага абсталявання, адкрыццё аптова-рознічных прадпрыемстваў па рэалізацыі спажывецкіх тавараў беларускіх вытворцаў.

Адбыліся таксама сустрэчы Валерыя Сахно з першым намеснікам старшыні ўрада Прыморскага края Канстанцінам Шастаковым, першым намеснікам міністра маёмасных і зямельных адносін Прыморскага края Аляксеем Ляйферам, кіраўніком краявога агенцтва міжнароднага супрацоўніцтва Аляксеем Старычковым і інш.

версія для друку

зрабіць стартавай

дабавіць у выбранае