Падзеі

23 лістапада, Берлін /Аліна Грышкевіч - БЕЛТА/. Пытанні далейшага развіцця беларуска-германскага пабрацімскага супрацоўніцтва абмеркаваны ў Бундэстагу ФРГ у час сустрэчы беларускай дэлегацыі на чале са старшынёй Беларускай грамадскай арганізацыі "Пародненыя гарады" Барысам Батурам з прадстаўнікамі германскай парламенцкай групы дружбы з Беларуссю, перадае карэспандэнт БЕЛТА.

Германскія парламентарыі выказалі вялікую зацікаўленасць у далейшым развіцці кантактаў з беларускім бокам па лініі пабрацімскага руху, а таксама міжпарламенцкіх сувязей. Член парламенцкай групы дружбы Томас Лутцэ назваў рэзультатыўным беларуска-германскае пабрацімства паміж гарадамі і рэгіёнамі дзвюх краін. Ён заявіў аб падтрымцы ў далейшым гэтых сувязей і аб тым, што маючая адбыцца ў Вітэнбергу пабрацімская сустрэча вельмі важна для дружбы паміж Беларуссю і Германіяй.

Акрамя таго, размова ішла аб развіцці двухбаковых міжпарламенцкіх кантактаў. Германскія парламентарыі праінфармавалі аб абмене візітамі з беларускімі калегамі і аб узаемным намеры ўзняць міжпарламенцкае супрацоўніцтва на новы ўзровень.

Беларуская дэлегацыя прыбыла ў Германію для ўдзелу ў 10-й сустрэчы гарадоў-пабрацімаў Беларусі і Германіі, якая пройдзе ў горадзе Вітэнберг.