Падзеі
Генсакратар аўстрыйскага МЗС наведае Мінск 9-10 лютага
4 лютага, Мінск /Аліна Грышкевіч - БЕЛТА/. Генеральны сакратар аўстрыйскага МЗС Міхаэль Лінхарт прыме ўдзел у цырымоніі адкрыцця пасольства Аўстрыі ў Беларусі. Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
Генеральны сакратар знешнепалітычнага ведамства Аўстрыі наведае Мінск 9-10 лютага. Запланаваны сустрэчы дыпламата з міністрам замежных спраў Беларусі Уладзімірам Макеем і намеснікам міністра замежных спраў Аленай Купчыной. Бакі абмяркуюць актуальныя пытанні беларуска-аўстрыйскіх адносін, праблематыку ўзаемадзеяння па лініі Мінск-Брусель, а таксама пытанні рэгіянальнай бяспекі.
Рашэнне аўстрыйскага боку аб павышэнні ўзроўню дыпламатычнага прадстаўніцтва ў Мінску стала лагічным працягам палітычнага дыялогу дзвюх краін і нацэлена на далейшае нарошчванне двухбаковых сувязей у сферах узаемнага інтарэсу, уключаючы гандаль і інвестыцыі, навуку, адукацыю, культуру, турызм.
версія для друку
зрабіць стартавай
дабавіць у выбранае