Падзеі

Галоўчанка сустрэўся з Раулем Кастра

18 ліпеня, Мінск /Кар. БЕЛТА/. Прэм'ер-міністр Беларусі Раман Галоўчанка ў час афіцыйнага візіту на Кубу сустрэўся з кубінскім палітычным і дзяржаўным дзеячам Раулем Кастра, перадае карэспандэнт БЕЛТА.

Як адзначылі ў прэс-службе ўрада, гэта сустрэча не была запланавана па праграме афіцыйнага візіту прэм'ер-міністра, але тое, што яна адбылася, шмат аб чым сведчыць.

"Перш за ўсё, як жыве мой сябар Прэзідэнт Беларусі?" - спытаў Рауль Кастра.

"Хацеў бы перадаць вам самыя цёплыя і найлепшыя пажаданні ад Аляксандра Рыгоравіча Лукашэнкі. Пажаданні здароўя, даўгалецця і мудрасці", - сказаў Раман Галоўчанка.

Рауль Кастра, калі быў кіраўніком Кубы, унёс значны ўклад у развіццё і ўмацаванне беларуска-кубінскіх адносін.

Раней Раман Галоўчанка наведаў з афіцыйным візітам Венесуэлу. Работа па развіцці супрацоўніцтва з краінамі далёкай дугі прадаўжаецца на Кубе, далей запланаваны яшчэ візіт у Нікарагуа. Паводле слоў Рамана Галоўчанкі, галоўная мэта - закласці трывалы фундамент для работы на будучыню.

версія для друку

зрабіць стартавай

дабавіць у выбранае